Në 2018en, misioni i Terre des hommes Shqipëri ka filluar të zbatojë projektin "Qasjet restauruese – Alternativë për fëmijët në konflikt me ligjin”, projekt i cili financohet nga Bashkimi Evropian dhe zbatohet nga Terre des hommes Shqipëri, në partneritet me Fondacionin për Zgjidhjen e Konflikteve dhe Pajtimin e Mosmarrëveshjeve (AFCR) dhe Terre des hommes Hungari.
Kjo iniciative, synon të kontribuojë në respektimin e të drejtave të njeriut dhe veçanërisht të fëmijëve/të rinjve në konflikt apo në kontakt me ligjin, duke nxitur zbatimin e qasjeve restauruese dhe parandalimin e burgimit bazuar në Kodin e Penal për të Mitur në Shqipëri. Përveçse të rrisë njohuritë mes aktorëve të cilët punojnë në fushën e drejtësisë restauruese, kjo iniciativë ka për qëllim të nxisë efektivitetin e zbatimit të qasjeve restauruese duke zhvilluar praktika dhe udhëzime për aktorët kryesorë mbi përdoimin e masave alternative dhe atyre ri-integruese.
Ky webinar, është i treti në një seri webinaresh që po organizohen në kuadër të drejtësisë restauruese, dhe ka për qëllim të kontribuojë në rritjen e njohurive mbi aplikimin dhe sfidat që lidhen me zbatimin dhe administrimin ditor të Kodit të Drejtësisë Penale për të Mitur. Kjo iniciativë synon të diskutojë efektivitetin e zbatimit të këtij Kodi. Qëllimi I Webinarit "Kodi i Drejtësisë Penale për të Mitur dhe sfidat e përditshme të aplikimit", do të paraqesë disa tema thelbësore si: kornizën ligjore në Shqipëri para miratimit të Kodit të Drejtësisë Penale për Fëmijë; Institutet kryesore të Kodit të Drejtësisë Penale për të Mitur, risitë e këtij Kodi; Kuptimi i nivelit të njohurive të pjesëmarrësit për Kodin e Drejtësisë Penale për të Mitur përmes disa pyetjeve të shkurtra gjatë webinar; Sfidat e hasura në praktikë dhe problemet e profesionistëve të drejtësisë; Strukturat mbështetëse sociale të disponueshme për rehabilitimin e të miturve si dhe do të bëjëtë mundur një diskutim të hapur me pjesëmarrësit dhe pyetje lidhur me Kodin e Drejtësisë Penale për të mitur e ndoshta do të mund të nxjerrë dhe disa sugjerime për institucionet përgjegjëse.