5 vjet burg për rrahjen dhe dhunen ndaj grave; deri në 10 vjet për aktin e perdhunimit. Keto janë disa nga ndryshimet e reja që kane propozuar përfaqësues të Parlamentit të Shqipërisë në Kodin Penal të cilat synojnë rritjen e dënimit për krimet në lidhje me dhunën në familje.
Kjo iniciativë ligjore, e ndërmarrë nga dy deputete socialë, parashikojnë ndryshimin e kohës së burgimit për këdo që abuzon me bashkëshortin e tij / saj në një deri në pesë vjet, nga dy vite që ishte më parë. Konkretisht, projektligji parashikon ndryshimin e nenit 130 / a të Kodit Penal për veprën penale të Dhunës në Familje.
Projektligji gjithashtu parashikon që kur vepra e dhunës fizike ose psikologjike në familje është kryer vazhdimisht, personi i akuzuar dënohet nga dy deri në 10 vjet burgim (nga 5 vjet që është sot).
Dy ligjvënëset theksojnë se 'Zbatimi i sanksioneve të vitit 2012 nuk e ka lehtësuar dhunën ndaj grave, madje në disa raste ka pasur efekt të kundërt. Episodet e përsëritura të dhunës në familje dhe me bazë gjinore, veçanërisht rastet kur dhuna përsëritet edhe kundër grave që kanë marrë urdhra për mbrojtje gjyqësore deri në vdekjen e tyre, janë kambana alarmi për ndërhyrje të menjëhershme legjislative me mekanizma që forcojnë masat kundër dhunës".