Me qëllim informimin e Strategjisë së re të BE-së për të Drejtat e Fëmijëve, Komisioni Evropian ju kërkoi agjencive kryesore të të drejtave të fëmijëve të konsultohen me fëmijët në Evropë për të kontribuar në përcaktimin e përparësive të strategjisë së re. UNICEF Shqipëri, Save the Children Shqipëri, Terre des hommes Shqipëri dhe World Vision Shqipëri dhe Kosovë organizuan procesin, duke ndjekur udhëzimet e dhëna nga komisioni i BE.
Si rezultat i procesit u organizuan 22 Diskutime në Grup, me një total prej 247 fëmijësh dhe të rinjsh të grupmoshës nga 11-17 vjeç nga 11 bashki të Shqipërisë, si zonat urbane ashtu edhe ato rurale dhe me një përfaqësim të mirë të etnisë, të nevojave të vecanta dhe përfaqësimin gjinor.
Fëmijët u pyetën mbi njohuritë e tyre në lidhje me të drejtat e fëmijëve dhe sa ata ndienin se këto të drejta ishin respektuar. Ata raportojnë se çështja më e dukshme është diferencimi në trajtim veçanërisht kur bëhet fjalë për djem dhe vajza, fëmijë që vijnë nga zona urbane ose rurale, nga prejardhje të ndryshme etnike ose ata që kanë nevoja të veçanta.
Efektet e situatës pandemike COVID 19, u ndjenë nga fëmijët në shumë dimensione: vështirësi në të mësuarin në internet, mbyllje dhe mungesë të jetës shoqërore, por edhe efekte në marrëdhëniet familjare ose në situatën ekonomike familjare.
Një kopje e raportit të plotë mbi gjetjet dhe rekomandimet nga konsultimet mund të gjendet në dokumentin e bashkangjitur më poshtë. Bazuar në këtë raport u hartua një dokument politikash, drejtuar aktorëve kryesorë kombëtarë për të drejtat e fëmijëve dhe mbrojtjen e tyre (gjithashtu bashkengjitur)