Në fazën e dytë të zbatimit të projektit (2018-2021), Childhub planifikoi të mbështeste një OJF lokale në përpjekjet e tyre për të zbatuar iniciativa inovative sociale për mirëqenien dhe mbrojtjen e fëmijëve. Nisma duhej të sillte praktika premtuese që kanë potencialin për t'u adoptuar dhe riprodhuar lehtësisht në vende të tjera të rajonit tonë.
Nisma e propozuar nga organizata vendase Heritage and Education përmbushi më së shumti kërkesat që lidhen me të qenit një projekt tërheqës e praktik dhe që mund të përdoret nga një publik më i gjerë, duke përfshirë profesionistë të mbrojtjes së fëmijëve, si dhe prindër e fëmijë. Në thelbin e tij, ai kishte përdorimin e modelit CIAO (Competency Island Advancement Orientation) i cili tenton të përmirësojë mirëqenien emocionale të fëmijëve.
Projekti u zbatua në zonën e qytetit të Durrësit, si një nga zonat më të prekura nga tërmeti i nëntorit 2019 dhe më pas nga pandemia COVID 19. Modeli CIAO u eksplorua në mënyrë “eksperimentale” me 19 fëmijë të moshës 6-14 vjeç të ardhur nga shkollat e qytetit. Nëpërmjet zhvillimit të ishujve të kompetencave, fëmijët pajisen me aftësi të tilla si: të menduarit pozitiv, zgjidhja e problemeve, ndërtimi i marrëdhënieve, dëgjimi aktiv, empatia, komunikimi, vetë-prezantimi etj., të cilat e mbështesin fëmijën për të përballuar situata të ndryshme të jetës edhe si një i rritur më vonë.
Në fund të zbatimit të projektit, u përgatit një manual për përdorimin e modelit CIAO, u organizuan dy webinarë që orjtojnë mësuesit se si të aplikojnë modelin si dhe u krijuan dy podkaste nga fëmijët për fëmijët.
Iniciativa u zbatua përgjatë 7 muajve, si një partneritet i përbashkët ndërmjet organizatës Heritage and Education dhe Master Thinker Institute. Manuali i prodhuar nga projekti mund të gjendet në faqen e Childhub, nën bibliotekën online këtu.