Më 23 qershor 2022, është mbajtur Uebinari online me temë: “Zbatimi praktik i formave për menaxhimin e rasteve transnacionale për viktimat dhe viktimat potenciale të trafikimit”.
Ky uebinar është organizuar në kuadër të projektit “Përmirësimi i ofrimit të shërbimeve dhe ndërgjegjësimit për të luftuar trafikimin e njerëzve në Ballkan, Shqipëri, Maqedoninë e Veriut, Mal të Zi, Kosovë, implementuar nga Terre des Hommes Kosovë, dhe financuar nga Departamenti i Shtetit të SHBA dhe u ndoq nga 16 pjesëmarrës kryesisht punonjës të Qendrave për Punë Sociale të Kosovës, Policia e Kosovës dhe institucionet tjera relevante.
Ligjëruese në këtë uebinar ishte znj. Gresë Gërdovci - Paca, Eksperte lokale në fushën e trafikimit me njerëz, e cila me shembuj konkret dhe përmes komunikimit interaktiv i njoftoj pjesëmarrësit për metodat më praktike rreth përdorimit të formave të unifikuara, si njëri nga qëllimet kryesore të këtij organizimit.
Si përfundim është konstatuar se takimet e tilla janë të domosdoshme, në mënyre që implementimi të jetë sa ma i lehtë në punën e tyre të përditshme por edhe në avancimin e njohurive të tyre dhe shkëmbimin e përvojave në mes institucioneve dhe ofrimin e shërbimeve.