Politikat e azilit dhe politikat e emigracionit të BE dhe SHBA nuk funksionojnë. Sipas autorit të artikullit të Uashingtonit, arsyeja pse, është pjesërisht për shkak të faktit që një nga grupet më të rëndësishme të prekura nga ato politika - refugjatët - nuk janë konsultuar.
Margaret Peters, një profesor i asociuar në Universitetin e Kalifornisë së bashku me dy hulumtues të tjerë zhvilluan intervista me 1400 refugjatë nga Siria dhe Iraku duke i pyetur për nevojat, pritjet dhe preferencat e tyre.
Gjetjet e hulumtimit tregojnë se shumica e refugjatëve shpresojnë të kthehen në shtëpi pasi dhuna në vendet e tyre përfundon dhe të rindërtojnë jetën e tyre. Ndërsa si refugjatë, ata duan të kenë dinjitet, të jenë në gjendje të sigurojnë për veten dhe familjet e tyre pa imponuar barrë ose duke u mbështetur te të tjerët. Përkundër mendimit të përhapur që refugjatët vijnë për shkak të përfitimeve sociale, hulumtimi i tyre tregoi se gjetja e punës është faktori më i rëndësishëm kur marrin vendim se ku të shkonjnë ata njerëz. Kur u pyetën se çfarë ndihme duhet, reagimet sugjerojnë se qeveritë duhet të përqendrohen në dhënien e aftësive të nevojshme për të marrë punë. Refugjatët kërkojnë kurse gjuhësore, trajnime për punë dhe edukim për fëmijët e tyre.
Duke iu përgjigjur pyetjes se si këto njohuri mund të informojnë politikëbërjen, autorët nxjerrin disa përfundime shumë të rëndësishme:
Shumica e emigrantëve dëshirojnë të kthehen në vendet e tyre të origjinës kur është e sigurt për ata të shkojnë. Si rezultat, dhënia e lejeve të qëndrimit të përkohshëm mund të jetë një zgjidhje, për t'u mundësuar atyre të punojnë dhe të lidhen me punëdhënësit
Gjetja e punësimit do të ishte e dobishme në dy nivele. Nga njëra anë refugjatët do të ishin në gjendje të siguronin për vete dhe familjet e tyre, të bëheshin anëtarë të pavarur dhe produktivë të shoqërisë.
Dhe së dyti, të dhënat tregojnë se puna i mundëson refugjatëve që të lidhen me popullsinë lokale, të mësojnë gjuhën, të bëjnë miq dhe të mësohen me kulturën dhe mënyrën e jetesës së re, e cila kontribuon ndjeshëm në integrimin e tyre.