Autoritetet e Kosovës dhe Maqedonise se Veriut, kanë vazhduar bashkëpunimin dypalësh në përpjekjen për parandalimin dhe luftimin e trafikimit me njerëz.
Më 22 gusht 2022, përfaqësues të të dyja shteteve kanë realizuar një takim të përbashkët nderkufitare në Kosove me qëllim të shkëmbimit të informacioneve dhe përvojave në aspektin e ndjekjes, mbrojtjes sociale dhe ofrimit të shërbimeve për viktimat dhe viktimat e supozuara të trafikimit.
Për me tepër, të dyja shtetet janë zotuar në intensifikimin e bashkëpunimit ndërshtetëror në parandalimin dhe luftimin e trafikimit me njerëz me një fokus të veçantë mbi fëmijët.
Takimi është mbështetur nga projekti “Përmirësimi i ofrimit të shërbimeve dhe ndërgjegjësimi në luftimin e trafikimit me njerëz në Balkan, Shqipëri, Maqedonia e Veriut, Mali i Zi dhe Kosovë” – financuar dhe mbështetur nga Departamenti i Shtetit Amerikan ne kuader te projektit jTIP. Projekti është një përpjekje e përbashkët e Misionit Terre des Hommes në Shqipëri dhe Kosovë me partnerë lokalë në vendet e ndërhyrjes respektivisht Shoqata për Veprim kundër Dhunës dhe Trafikimit të Qenieve Njerëzore - Porta e Hapur në Maqedonine e Veriut