Lidhur me webinarin:
Child Protection Hub në bashkëpunim me Asociacionin e Psikologëve të Kosovës do të realizojnë një seri të webinareve të cilat do të trajtojnë çështje të ndryshme të lidhura me mbrojtjen e fëmijëve dhe shëndetin mendor. Kjo seri do të startojë me webinarin: “Ndikimi i shëndetit mendor të nënës në mirëqenien e fëmijës” në të cilin do të ofrohen informata rreth:
- Depresionit pas lindjes tek gratë dhe ndikimi në fëmijërinë e hershme të fëmijës.
- Si ndikon shëndeti mendor i nënës në zhvillimin dhe mirëqenien emocionale të fëmijës?
- Funksionimi social dhe emocional i fëmijës kur njeri prind vuan nga çrregullimet psikologjike?
- Pse kryesisht flitet vetëm për depresionin pas lindjes tek gratë? Cilat janë çrregullimet tjera psikologjike që mund të shfaqen gjatë shtatzënisë dhe pas lindjes?
Si të regjistrohesh për webinar?
Përdorni butonin më poshtë për t'u regjistruar në webinar. Disa orë para webinarit do të merrni një email me linkun për në dhomën e webinarit, dhe udhëzime se si të hyni. Hyrja është shumë e thjeshtë, nuk kërkon aftësi speciale nga ju, dhe zgjat vetëm një minutë ose dy. Ju mund të hyni në webinar nga kompjuteri, tableti ose telefoni celular.