Në 2018, misioni i Terre des hommes Shqipëri ka filluar të zbatojë projektin "Qasjet restauruese – Alternativë për fëmijët në konflikt me ligjin”, projekt i cili financohet nga Bashkimi Evropian dhe zbatohet nga Terre des hommes Shqipëri, në partneritet me Fondacionin për Zgjidhjen e Konflikteve dhe Pajtimin e Mosmarrëveshjeve (AFCR) dhe Terre des hommes Hungari.
Kjo iniciative, synon të kontribuojë në respektimin e të drejtave të njeriut dhe veçanërisht të fëmijëve/të rinjve në konflikt apo në kontakt me ligjin, duke nxitur zbatimin e qasjeve restauruese dhe parandalimin e burgimit bazuar në Kodin e Penal për të Mitur në Shqipëri.
Përveçse të rrisë njohuritë mes aktorëve të cilët punojnë në fushën e drejtësisë restauruese, kjo iniciativë ka për qëllim të nxisë efektivitetin e zbatimit të qasjeve restauruese duke zhvilluar praktika dhe udhëzime për aktorët kryesorë mbi përdoimin e masave alternative dhe atyre ri-integruese.
Ky webinar, është i katerti në një seri webinaresh që do të organizohen në kuadër të drejtësisë restauruese, dhe ka për qëllim të paraqesë rëndësinë e zbatimit të qasjes restauruese, krahasuar me atë penale, duke u ndalur sidomos në vlerën e kësaj qasjeje me të miturit në sistemin e ekzekutimit të vendimeve penale. Webinari është konceptuar si një “lundrim” në përvojën konkrete me të miturit në Institutin e të miturve në Kavajë.
Per ju qe do te aksesoni per here te pare zoom, ju lutem hapni linkun 10 minuta perpara se te filloje webinari ne menyre qe kompjuteri juaj te beje download te aplikacionit zoom.
Për më shumë informacion vizitoni faqen tonë në facebook, Tdh Albania.