Terre des hommes (Tdh) misioni në Kosovë në bashkëpunim me “Qendrën për Mbrojtjen e Viktimave dhe Parandalimin e Trafikimit të Qenieve Njerëzore” (PVPT) dhe OJQ-në “Shpresë për Shtëpi për Fëmijët”(SDSF) do ta organizojnë webinarin e parë nacional në kuadër të projektit, “Përmirësimi i ofrimit të shërbimeve dhe rritja e ndërgjegjësimit në luftën ndaj trafikimit me qenie njerëzore në Ballkan, Shqipëri, Maqedoni, Mal të Zi dhe Kosovë” – të financuar nga departamenti i shtetit amerikan, përmes programit të JTiP-it.
Webinari synon të ndajë praktikat pozitive dhe sfidat në referimin dhe menaxhimin e rasteve të viktimave të trafikimit dhe viktimave potenciale të trafikimit, të rritur dhe fëmijë nga OJQ-të si ofrues të shërbimve. Për më tepër, në webinar do të diskutohet edhe për sfidat në qendrueshmërinë e ofrimit të shërbimeve për këtë kategori të cënueshme sociale.
Prezantues në këtë webinar do të jenë:
Teuta Abrashi, Drejtoreshë ekzekutive e PVPT-së, dhe
Valbona Çitaku, Drejtoreshë ekzekutive e SDSF-së.