Pjesëmarrja e fëmijëve në të gjitha fushat e shoqërisë moderne është tepër e rëndësishme për zhvillimin e mirë të fëmijëve. Për më tepër, është shumë e rëndësishme që fëmijët, të cilët i përkasin grupeve të cenueshme dhe që janë margjinalizuar tashmë në shoqëri të kenë mundësi më të mëdha të jenë pjesëmarrës në shoqëri dhe t`i dëgjohet zëri. Ky raport është bazuar në raportin e Komisionit të BE-së “Vlerësimi i legjislacionit, politikës dhe praktikës së pjesëmarrjes së fëmijëve në Bashkimin Evropian.”1 Ky raport analizon nivelin e pjesëmarrjes së fëmijëve që i përkasin grupeve të cenueshme.
Fëmijët Emigrant, si azil kërkuesit po ashtu edhe rezidentët e ligjshëm përjetojnë nivele të ulëta pjesëmarrjeje. Grupe të ndryshme interesi kanë deklaruar se të rinjtë nga mjedise shoqërore të ndryshme etnike kanë qenë më të vështirët për t`u arritur nga ana e pjesëmarrjes. Një arsye për rënien e nivelit të pjesëmarrjes është se pjesa më e madhe e këtyre grupeve kanë qenëtë përjashtuar në të shkuarën nga shërbimet dhe nuk kanë interes për t`u angazhuar.
Disa shtete anëtare kanë marr hapa të përmirësojnë procesin e pranimit të fëmijëve tëpashoqëruarazil-kërkues, të tilla si Gjermania, e cila tashmë siguron akomodim special për fëmijët e ndarë dhe të pashoqëruar, ku ata qëndrojnë të paktën për tre muaj përpara se të fillojë procedura për azil. Këto lehtësira specifike mundësojnë kontrollin e detajuar të shëndetit të fëmijës dhe nevojës për mbrojtje dhe i sigurojnë arsimim. Megjithëse ky proces nuk është përfshirë në legjislacionin Gjerman, është vlerësuar si një praktikë e mirë dhe është adoptuar nga shumë bashki të vendit.
Raporti deklaron se ka mungesë të shembujve të mirë në BE në lidhje me rritjen e pjesëmarrjes së fëmijëve emigrant dhe azil kërkues. Pavarësisht kësaj, një praktikë e mirë, e cila mund të merret si shembull është Projekti i Rrjetëzimit të Sigurisë i Këshillit të Refugjatëve Finlandez. Ky Project ofron konsulentë me bashkëmoshatar dhe mbështetje sociale për azil kërkuesit. Të 23 konsulentët që punojnë me fëmijët flasin një kombinim total prej 12 gjuhësh të ndryshme dhe të gjithë ata e kanë kaluar vetë procesin e azil kërkimit. Konsulentët trajnohen, i jepen manuale dhe udhëzime për të ndihmuar fëmijët të përballojnë me sukses procesin e vështirë të azil kërkimit, duke i dhënë atyre këshilla që i kanë mësuar nga përvojat personale. Gjithashtu, në shumicën e rasteve ata mund të kenë të njëjtën kulturë ose shtresë shoqërore si fëmijët, dhe kjo do t`i ndihmojë fëmijët që të ndihen sa më mirë në një situatë të pazakontë. Gjithashtu, në Austria, OJQ-ja Verein.Menschen.Lebenofron ndihmë psikologjike, kurse të gjuhës gjermane, konsulencë ligjore dhe shoqërim për vizita pranë doktorëve kur fëmijët janë në Qendrat e Pranimit Fillestar.
Shkruar nga Karim Korajem, për ChildProtectionHub për Evropën Jug Lindore, 2016.