Qeveria e Kosovës ka aprovuar dy udhëzime shumë të rëndësishme administrative:
- “Udhëzimi për mbrojtjen dhe trajtimin e fëmijeve kryerës të veprave penale nën moshën e përgjegjësisë penale” dhe
- “Udhëzimi administrative për zbatimin e drejtësisë mike ndaj fëmijës në procedurën penale, civile dhe administrative”
Aprovimi i këtyre udhëzimeve është një hap shumë i rëndësishëm për sistemin e drejtësisë që garanton respektimin dhe zbatimin efektiv të të drejtave të fëmijës në nivelin më të lartë të arritshëm, ku konsideratë mbizotëruese është interesi më i mirë i fëmijës, trajtimi i barabartë, mos diskriminimi, mbrojtja e dinjitetit dhe pjesëmarrja e fëmijës duke i dhënë vëmendjen e duhur nivelit të pjekurisë, të kuptuarit e fëmijës dhe rrethanave të rastit.
Në Udhëzimin Administrativ (QRK)-NR. 01/2021 për Mbrojtjen dhe Trajtimin e Fëmijëve Kryerësve të Veprave Penale nën Moshën e Përgjegjësisë Penale, për fëmijën kryerës të veprave penale nën moshën e përgjegjësisë penale, përcaktohet: Mbrojtja; programi i mbrojtjes; ndërmjetësimi ndërmjet bashkëmoshatarëve; ndihma juridike dhe trajtimi.
Udhëzimi është publikuar në Gazetën Zyrtare të Republikës së Kosovës dhe ju mund ta lexoni udhëzimin e plotë në linkun në vijim:
https://gzk.rks-gov.net/ActDocumentDetail.aspx?ActID=36551