Në 50 vitet e fundit, ka pasur ndryshime të mëdha në strukturat familjare dhe në institucionin e martesës (ka pasur rritje të prindërve të vetëm dhe grave që punojnë). Kjo ka bërë që disa njerëz të shqetësohen sepse prindërit nuk po kalojnë mjaftueshëm kohë me fëmijët e tyre.
Një raport nga Këshilli i Këshilltarëve Ekonomik, i vitit 1999, në SHBA, analizoi trendet e gjysmës së dytë të shekullit 20 dhe doli në përfundimin se për shkak të orareve të zgjatura në punë dhe ndonjëhërë edhe për shkak të prindërimit të vetëm, mamatë kalojnë mesatarisht 22 orë/javë më pak me fëmijët e tyre.
Megjithatë, sot në SHBA dhe në vendet e tjera të zhvillura prindërit kalojnë më shumë kohë me fëmijët krahasuar me 50 vite më parë.
Sa u takon pabarazive brenda një shteti, sot vihet re se nënat shpenzojnë më shumë kohë me fëmijët sesa baballarët. Në vende të tilla si Kanada, Francë, SHBA ky hendek po zvogëlohet ndërkohë që në vende të tjera si Danimarkë dhe Spanjë hendeku është zmadhuar. Po ashtu ka dallime edhe midis grupeve me nivel arsimor të ndryshëm, ku prindërit me arsim të lartë kalojnë më shumë kohë me fëmijët sesa ata me arsim të ulët.