Në 20 Nëntor 2020, komisioni parlamentar Për Punën, Çështjet Sociale dhe Shëndetësinë organizoi një seancë dëgjimore në lidhje me ndryshimet e propozuara në ligjin për "Urdhrin e Punonjësit Social" të vitit 2017. Sesioni mblodhi përfaqësues nga grupet e interesit të tilla si akademia, organizatat lokale dhe ndërkombëtare që punojnë në fushën sociale, dhe përfaqësues nga Ministria e Shëndetësisë dhe Çështjeve Sociale, si institucioni përgjegjës në zbatimin e ligjit.
Ligji i parë për Urdhrin e Punonjësve Socialë në Shqipëri u miratua në 2014-ën dhe u ri-miratua me disa ndryshime në 2017-ën. Sidoqoftë, për shkak të çështjeve delikate që lidhen kryesisht me licencimin e profesionistëve pa një diplomë BA në Punë Sociale, ky ligj ka qenë çështje debati dhe diskutimesh midis shume grupeve të interesit, duke vonuar për plot 6 vite krijimin dhe funksionimin e Urdhërit. Dy ishin çështjet kryesore të propozuara për ndryshime në këtë seancë dëgjimore nga grupi kryesor i interesit, Departamenti i Punës Sociale në Fakultetin e Shkencave Sociale (UT) të mbështetura edhe nga përfaqësuesit e tjerë prezent, përveç MHSP. Këto jane: 1- Neni nr. 13 që përmend krijimin dhe përbërjen e Këshillit Kombëtar të Urdhërit dhe 2 - Neni nr. 19-të që lidhet me individët që veprojnë si punonjës socialë.
Një çështje tjetër që u theksua ndjeshëm gjatë diskutimeve ishte nevoja për të shtyrë procesin e miratimit të ligjit sa më parë, si një dosmosdoshmëri për rregullimin e këtij profesioni që do të garantojë cilësi në ofrimin e shërbimeve sociale në vend. Përfaqesuesit e grupit parlamentar morën në konsideratë sugjerimet dhe kërkesat nga ana e grupeve të interesit duke caktuar datën për diskutim dhe finalizim të draft ligjit mes anëtarëve të komisionit. Gjatë këtij të fundit, me kërkesën e MSHMS, sugjerimet e lidhura me Nenin 19, të cilat përbënin edhe thembrën e Akilit në këtë proces, u vendosëm të mos pasqyroheshin në ligj, por të vijnë me një Vendim të Këshillit të Ministrave pas miratimit të ligjit nga Parlamenti.
Grupet e interesit e konsiderojnë këtë një vendim i cili do të kontribuoj sërish në vonimin e fillimit të funksionimit të Urdhrit të Punës Sociale në vend.