Fillimi i shtatorit shenjon një moment shumë të rëndësishëm në jetën e secilit prej nesh, sidomos për faktin që fëmijët rikthehen në shkollë pas muajsh në karantinë. Ky ndryshim, gjithsesi shihet si i parakohshëm nga disa prindër. Në Mbretërinë e Bashkuar – dhe jo vetëm – shumë prindër do të vazhdojnë të punojnë nga shtëpia pavarësisht se fëmijët e tyre do të shkojnë në shkollë, me më shumë se 20 fëmijë të tjerë në klasë.
“Ndihem shumë e nervozuar dhe e zhgënjyer nga plani i rikthimit në shkollë që po ndërmerr Alberta Education. Nuk është i qartë dhe nuk është aspak inovativ. Ne po punojmë nga shtëpia, restorantet duhet të zbatojnë rregullat e distancimit social dhe ndërkohë 30 të vegjël nga ne, të rrinë në një klasë, ngjitur me njëri-tjetrin. Nuk ka fare kuptim” – ka deklaruar Tabitha Beaton, mama e dy fëmijëve për Calgary Head.
Në fakt, në epokën e re në të cilën po gjendemi, atë të maskave dhe distancimit social është shumë e nevojshme mbështetja psikologjike dhe emocionale për prindërit, por sidomos për fëmijët. Disa nga sugjerimet që vijnë nga Johanna Kalkreuth, psikologe pranë Calgary Head janë këto:
- Krijoni një mjedis fizik dhe psikologjik të sigurt ku fëmija juaj të shprehë të gjitha emocionet në lidhje me situatën në të cilën ndodhemi. Kjo mund të bëhet duke e njohur situatën si të vështirë dhe duke validuar ndjenjat e tyre.
- Përpiquni të menaxhoni stresin tuaj dhe të mos i “shkarkoni” emocionet tuaja tek të tjerët, sidomos fëmijët. Në këtë mënyrë fëmijët do të kenë mundësinë të shohin dhe të besojnë që mund t’ja dalin, sepse ju po ja dilni.
- Krijoni një hapësirë të relaksuar në shtëpi, me sa më pak kontakt me teknologjinë që të mundeni pasi teknologjia mund t’i mbistimulojë fëmijët dhe t’i bëjë nervozë.
- Për adoleshentët, përpiquni që përpara se të jepni udhëzime, të krijoni një lidhje me ta, duke i validuar dhe mbështetur, pasi reagimi i parë që ata mund të kenë ndaj kërkesave (psh.: distancimit apo mbajtjes së maskës) është të kundërshtojnë.
- Fëmijët më të rritur do të kenë nevojë për grupet e tyre, qoftë edhe online. Ajo që mund të bëni në këtë rast është të përpiqeni që të përshtateni me jetën e re dhe tua lehtësoni atyre procesin e ndryshimit të stilit të jetës.
Për të lexuar lajmin e plotë ju ftojmë të vizitoni link-un e mëposhtëm.