Në Merrillville, Indiana të SHBA-së po zhvillohet një fushatë reklamash ndërgjegjësuese për të ndihmuar fëmijët e traumatizuar të kuptohen dhe të duhen nga shoqëria. Sipas një studimi pothuajse 2/3 e fëmijëve amerikanëve kanë përjetuar të paktën një lloj ACE-je dhe disa prej tyre kanë përjetuar më shumë se 4 lloje të kësaj traume. Përvojat e pafavorshme të fëmijërisë (ACE) janë ndjenja negative që dikush përjeton deri në moshën 18 vjeç. Këto ndjenja shkaktohen nga faktorë të ndryshëm si: bullizmi, problemet familjare, prindër abuzivë, të droguar, të sëmurë ose të papunë, mungesa e arsimit, varfëria, etj. Është e pabesueshme dhe dëshpëruese të dëgjosh se shumë fëmijë vijnë nga këto kategori dhe historia i ndjek ata përjetësisht, duke u sjellë vazhdimisht kujtime të këqija. Mund të gjeni më shumë mbi këtë lëvizje në faqen e internetit https://www.acesconnection.com/.
Nëse u hedhim një vështrim të dhënave federale, do të vëmë re se kostot e ACE-ve janë shumë të larta për buxhetin e shtetit, si nga ana sociale ashtu edhe nga ajo ekonomike. ACE-të shkaktojnë pasoja të rënda në shëndetin e njeriut si: vdekje, jetëgjatësi të shkurtuar, sëmundje mendore, varësi, probleme të fokusimit, etj. Elaine Spicer, një punonjës social i licencuar thotë se më shumë informacion duhet t’i bëhet i njohur publikut në lidhje me ACE përmes fushatave ndërgjegjësuese, mediave sociale dhe gazetave, etj., sepse ajo që ndahet me të tjerët mund të përballohet më mirë.