30 Korriku njihet si Dita Ndërkombëtare Kundër Trafikimit të Qenieve Njerëzore. Këtë vit festohet puna e individëve në linjën e parë kundër trafikimit të qenieve njerëzore. Këta janë punonjës të cilët kanë në përgjegjësi identifikimin e rasteve të trafikuara, mbështetjen, këshillimin psikologjik dhe vendosjen e drejtësisë për këto viktima. Jo rrallë herë këta individë dhe puna e tyre mbeten në hije.
Përkufizimi i Trafikimit Njerëzor
Sipas Protokollit për Parandalimin, Shtypjen dhe Dënimin e Trafikimit të Qenieve Njerëzore, ky krim përkufizohet si:
"rekrutimi, transportimi, transferimi, strehimi ose pritja e personave, përmes kërcënimit ose përdorimit të dhunës ose formave të tjera të bindjes me forcë, të rrëmbimit të personave, të mashtrimit, të futjes në kurth, të shpërdorimit të pushtetit apo të një pozite të pafavorizuar ose të dhënies apo marrjes së pagesave ose përfitimeve për të marrë pëlqimin e një personi që ka nën kontroll një person tjetër me qëllim shfrytëzimin. Shfrytëzimi përfshin, si minimum, shfrytëzimin e prostituimit të të tjerëve ose forma të tjera të shfrytëzimit seksual, punë ose shërbime të detyruara, skllavëri ose praktika të ngjashme me skllavërinë, argatëri ose heqje të organeve."
Dallimi mes kalimit kontrabandë të emigrantëve:
Shpesh është e vështirë të bëhet dallimi mes kontrabandimit dhe trafikimit. Në këtë video shpjegohet dallimi mes këtyre krimeve.
Fakte të rëndësishme:
- Arsyet më të shpeshta të trafikimit janë: shfrytëzimi seksual, puna e detyruar, lypja, martesa e detyruar, shitja e fëmijëve-gjithashtu edhe si ushtarë- shitja e fëmijëbe për trafikimin organesh;
- 49% e personave të trafikuar janë gra, nga këto 23% vajza;
- 59% e personave të trafikuar përdoren për shfrytëzim seksual dhe 34% për punë të detyruar;
- Viktimat trafikohen në përgjithësi në shtetet e tyre, por në rastet kur trafikohen jashtë vendit, këta individë çohen në vende të zhvilluara, të pasura.
Aktivitetet dhe Iniciativat e këtij viti kundër Trafikimit të Qenieve Njerëzore:
- Fushata The Blue Heart mundëson bërjen e donacioneve për aktivitete të cilat u vijnë në ndihmë viktimave të trafikimit.
- Kurs Online Falas, zhvilluar nga ICAO dhe Zyra e Kombeve të Bashkuara për të Drejtat e Njeriut për Identifikimin dhe Përgjigjen ndaj Trafikimit të Qenieve Njerëzore.
- Koncert Virtual Live i mbajtur në datën 30 korrik, ora 12, $1 bileta.