Kombet e Bashkuara në Shqipëri prezantuan se fundmi planin e përgjigjes socio-ekonomike dhe të rimëkëmbjes për Shqipërinë, të finalizuar në fillim të korrikut 2020. Ky plan përcakton planin e konsoliduar të Kombeve të Bashkuara (KB) për rimëkëmbjen socio-ekonomike, i cili mbështet Planin Kombetar të Përgjigjes së Qeverisë dhe Planin Strategjik Kombëtar të Përgatitjes dhe Reagimit (SPRP), finalizuar në 6-mujorin e parë të vitit 2020.
Plani parashikon të mbështesë qeverinë Shqiptare në pesë fusha kyce: 1) përgjigja e kujdesit shëndetësor dhe forcimi i sistemit, 2) sistemet sociale pro-të varfërve, 3) ekonomitë reliziliente, 4) menaxhimi makro-ekonomik dhe fiskal, dhe 5) kohezioni social dhe rezilienca e komuniteteve. Ai merr udhëzime nga korniza e përgjithshme e KB për reagimin e menjëhershëm socio-ekonomik ndaj COVID-19, dhe lidhet me objektivat dhe parimet thelbësore të shpëtimit të jetës, dhe mbrojtjen e të drejtave të njerëzve gjatë pandemive me fokus kryesor në grupet më të rrezikuara, dhe njerëzit të cilët rrezikojnë të neglizhohen.
Plani i Rimëkëmbjes dhe Pergjigjes i KB do të zbatohet në koordinim dhe bashkëpunim të ngushtë me disa homologë kombëtarë. Qeverisja dhe administrimi i përgjigjes do të përfshijë agjencitë e KB dhe homologët e tyre kombëtar, tradicionalë dhe ndoshta të rinj, duke filluar nga Zyra e Kryeministrit dhe Ministrsë së Rindërtimit, të cilët kanë pronësinë e planit të rimëkëmbjes dhe pergjigjes së vendit, dhe njëkohësisht duke përfshirë Ministritë e linjës; Ministrinë e Brendshme, Mbrojtjes, Shëndetit dhe Mbrojtjes Sociale, Bujqësisë dhe Zhvillimit Rural, Financave dhe Ekonomisë, Turizmit dhe Mjedisit, Kulturës, si dhe institucionet e pavarura për të drejtat e njeriut, organizata të ndryshme të shoqërisë civile, përfshirë ato që janë aktive për mbrojtjen e të drejtave të njeriut, integrimin gjinor, grupet e cenueshme dhe pakicat si ato Rome e Egjiptian, LGBTI, Personat me aftësi të kufizuara dhe të rinjtë. Për më tepër, INSTAT luan një rol të rëndësishëm në këtë Rimëkëmbje dhe Përgjigje si strukture kyce në gjenerimin e te dhënave të kërkuara.
Qeveritë vendore dhe komunitetet do të jenë bashkëpunëtorët më të afërt në zbatimin e masave të Planit dhe përfituesit kryesorë të ndihmës. Rimëkëmbja dhe Përgjigja e KB do të jetë e orientuar drejt krijimit dhe forcimit të kapaciteteve lokale dhe injektimit të qasjeve dhe modeleve inovative për të përmirësuar qeverisjen, forcimin e kohezionit social midis komuniteteve dhe institucioneve publike, respektimin e të drejtave të njeriut dhe plotësimin e nevojave të qytetarëve brenda një kornize të përmirësuar ligjore.
Planin e detajuar mund ta gjeni në dokumentin bashëkngjitur, mëposhte këtij teksti.