Coronavirus po mbizotëron titujt e lajmeve duke shtruar shumë pyetje mbi mënyrat e reagimit proaktiv ndaj shpërndarjes së virusit. Kjo emergjencë e deklaruar e shëndetit publik ka ngjallur një debat në sistemin arsimor nëse shkollat duhet të mbyllen si masë parandaluese për të ndaluar përhapjen e virusit.
Deri më tani afro 300 milion nxënës janë prekur nga mbyllja e shkollave në të paktën 13 vende. Disa universitete si Universiteti i Uashingtonit, Universiteti Stanford në Kaliforni dhe Universiteti Rice në Teksas po përdorin mësimin online si zëvendësim i klasave të anuluara.
Zyrtarët e shëndetit publik në SH.B.A. kujtojnë mbylljen e shkollave gjatë H1N1, dhe problemet në komunitet që pasuan pas kësaj. Prindërit duhej të qëndronin në shtëpi dhe të kujdeseshin për fëmijët gjë që ndikoi edhe në fuqinë punëtore të kujdesit shëndetësor, pasi shumë infermierë u tërhoqën.
Patty Hayes, drejtori i shëndetit publik të Seattle dhe King County, tha që mbyllja e shkollave mund të rrisë rrezikun që fëmijët që janë të infektuar por nuk kanë simptoma të infektojnë anëtarët e moshuar të familjes.
Për më tepër, problemet kanë filluar të shfaqen për studentët në disa vende që nuk po vijojnë mësimin për disa javë tani. Bërja e detyrave shkollore online ka ndikuar në rritjen e kohës që e kalojnë para ekranit që është raportuar si stresuese për studentët në Akademinë e Hong Kong.
Ende nuk ka prova që mbyllja e shkollave do të ndalojë përhapjen e koronavirusit apo madje edhe ngadalësimin e përhapjes. Kjo është arsyeja pse Shëndeti Publik në Uashington aktualisht nuk rekomandon që shkollat të mbyllen në mënyrë proaktive, përveç nëse ata kanë një rast të konfirmuar të COVID-19 në një anëtar të stafit ose studentëve .
Klikoni në artikullin origjinal për të lexuar tërë buletinin me rekomandime të paraqitur nga zyrtarë të shëndetit publik në King County, Wash.