27 profesionistë, përfaqësues të Organizatave të Shoqërisë Civile, praktikantë të kujdesit për fëmijët dhe punonjës të mbrojtjes së fëmijëve që punojnë me fëmijë në qytetet e Tiranës, Elbasanit, Fierit, Lushnjes, Vlorës, Lezhës dhe Kukësit, si dhe përfaqësues nga Agjensia Shtetërore për të Drejtat dhe Mbrojtjen e Fëmijës, morën pjesë në një trajnim mbi "Mbështetjen e Pjesëmarrjes së Fëmijëve" në kuadër të punës së mbrojtjes që ata bëjnë.
Ngjarja kryesore e këtij trajnimi ishte zbatimi i një metodologjie të përzier të mësimit nepermjet përdorimit të e-kursit në internet në platformën online të Qendrës së Mbrojtjes së Fëmijëve për Evropën Jug-Lindore dhe mëpas përforcimin e nxënies përmes një trainimi një ditor ballë-për ballë. Pjesëmarrësit gjithashtu, u ftuan të shprehnin mendimet dhe inputet e tyre në seksionin e Forumit të Platfromes, si një mundësi online për të shkëmbyer dhe debatuar me kolegët e tjerë në nivel lokal dhe rajonal.
Në fund të ngjarjes, testi pas trajnimit zbuloi një vlerësim shumë pozitiv nga të trajnuarit si dhe një vlerësim të madh për metodologjinë e përdorur.
Ky aktivitet u organizua në kuadrin e "Platformes për Mbrojtjen e Fëmijëve për Europen Jug - Lindore" dhe "Forcimi i Shoqërisë Civile për Parandalimin dhe Mbrojtjen e Fëmijëve nga Abuzimi dhe Dhuna në Shqipëri", projekt i financuar nga Bashkimi Evropian në Shqipëri në bashkëpunim mes Fondacionit Terre des hommes Misioni në Shqipëri dhe Qendra Kombëtare e Burimeve e Trainimit dhe Asistencës Teknike Shqiptare (ANTTARC) të cilët janë gjithashtu partnerët implementues në projektin e dyte.