Më 29 janar, një vajzë trembëdhjetë vjeçare nga Kavaja denoncoi në Stacionin e Policisë së qytetit abuzimin seksual të ushtruar ndaj saj nga disa djem të mitur, një abuzim që ka vazhduar për shumë javë.
Ky rast i abuzimit të fëmijëve ka sjellë çështje të ndryshme në sipërfaqe; sociale dhe institucionale. Nga perspektiva e sistemit të mbrojtjes së fëmijës, si minimum, ai dështoi detyrimet e raportimit siç parashihen në Ligjin e vitit 2017 mbi Mbrojtjen dhe të Drejtat e Fëmijëve; ai dështoi në sistemin e referimit sipas procedurave të menaxhimit të rasteve dhe sërish shprehu dobësinë dhe mosfunksionimin e këtij sistemi në vetvete.
Ai gjithashtu zbuloi se shoqëria jonë po e sheh ende seksualitetin si një tabu dhe për këtë shkak familja, shkolla dhe komuniteti dështojnë në të qenit të qëllimshëm për të folur mbi edukimin seksual dhe për të transmetuar vlera të mirëfillta për barazinë gjinore.
Nga ana tjetër, ky rast përsëri vërtetoi se media vazhdon të mos ketë profesionalizëm në mbrojtjen e dinjitetit të çështjeve te percjella duke e trajtuar atë si një "scoop" për përfitimet e veta.
Nga i gjithë diskursi publik i katër javëve të fundit në Shqipëri në lidhje me këtë rast, skuadra e Childhub ka përzgjedhur një artikull kritik të shkruar nga Izela Tahsini. Ajo përpiqet ta shohë rastin nga prespektiva e një fenomeni me të madh që me ose pa vetëdije ndikon qëndrimin e shoqërise ndaj çështjeve seksuale dhe gjinore.
Titulli është "Kultura e Abuzimit është e fshehur pas Perdes së Patriarkatit - Të pranosh që jeton në një shoqëri patriarkale nuk nënkupton dorëzimin, por para së gjithash, për të kuptosh se si kjo ndikon në prodhimin e ngjarjeve si ajo e Kavajës dhe më tej të flasesh sesi dilet prej saj".
Artikulli u botua më 8 shkurt 2019, në platformën online të lajmeve të Birn Albania, Reporter.al.
Ju lutemi ta lexoni atë ketu