Koalicioni i OJQ-ve për Mbrojtjen e Fëmijëve – KOMF në partneritet me SOS Fshatrat e Fëmijëve Kosovë, Organizatën për Fëmijët pa Kujdes Prindëror – OFAP dhe KMOP kanë filluar projektin në mbështetje të procesit të decentralizimit të shërbimeve sociale në Kosovë. Ky projekt me kohëzgjatje prej 3.5 viteve mbështetet nga Zyra e Bashkimit Evropian në Kosovë.
Projekti ka për objektiva rritjen e kapaciteteve dhe fuqizimin e rolit të KOMF në procesin e decentrailzimit të shërbimeve sociale, avokimin për decentralizim të këtyre shërbimeve përmes ndërhyrjeve në kornizën ligjore dhe monitorimit të zbatimit të saj, si dhe ngritjen e vetëdijësimit tek qytetarët mbi decentralizimin e shërbimeve sociale.