Reforma e Vlerësimit të Aftësisë së Kufizuar në Sistemin e Mbrojtjes Sociale u ndërmor nga MSHMS mbështetur nga Banka Botërore, duke synuar të sigurojë një zhvendosje në paradigmën e vlerësimit nga mjekësia në qasjen bio-psiko-sociale. Procesi pilot tashmë ka filluar dhe po zbatohet në dy njësi administrative në Bashkinë e Tiranës (nr.6 dhe 7) me qëllim të mëtejshëm shpërndarjen e modelit në të gjitha shërbimet lokale në të ardhmen e afërt.
Dokumenti bën një përmbledhje të shkurtër të gjendjes aktuale të vlerësimit të aftësisë së kufizuar në sistemin e mbrojtjes sociale dhe kategoritë e përfitimeve të lidhura me të, më pas, përshkruan ndryshimet e parashikuara, duke shpjeguar thelbin racional të tyre në kontekstin e përvojës ndërkombëtare si dhe përmirësimet e pritshme.