Raporti për "Situatën e Arsimit Parauniversitar për parandalimin e ekstremizmit të dhunshëm" paraqet një përmbledhje të pikëpamjeve të stafit arsimor për ekzistencën e mekanizmave që garantojnë sigurinë e fëmijëve në shkollë, format e tyre dhe efektivitetin në zgjidhjen e rasteve të radikalizmit të dhunshëm, si dhe njohurite e mësuesve dhe prindërve për referimin e çështjeve dhe zgjidhjeve si dhe rekomandimeve se si të përmirësohen këto mekanizma.
Ky raport është hartuar në kuadër të projektit "Parandalimi i ekstremizmit, radikalizmit dhe dhunës në mjediset shkollore dhe komunitetin si një mjet për të siguruar të drejtat e fëmijëve" i mbështetur nga UNICEF dhe zbatuar nga Qendra Koordinuese për Luftimin e Ekstremizmit të Dhunshëm, Shqipëri dhe Save the Children in Albania.