Për t'u regjistruar dhe bërë kursin në Childhub Academy ju duhet të hyni si anëtar në Childhub
Ky modul ka si qëllim kryesor të ndihmojë profesionistët që punojnë në "vijë të parë" për të identifikuar dhe referuar individë që mund të jenë viktima trafikimi. Ky kurs do të japë një përmbledhje të llojeve të trafikimit si dhe do të ndajë mjete të cilat do tu vijnë në ndihmë profesionistëve për të identifikuar dhe referuar viktima të mundshme të trafikimit.
Prezantimi i situatës
Vitet e fundit vendet e Bashkimit Europian janë përballur me një fluks të jashtëzakonshëm emigrantësh dhe refugjatësh. Vetëm në vitin 2015 kanë hyrë në BE rreth 1,046,599 emigrantë të jashtëligjshëm - kryesisht nga Siria, Iraku dhe Afganistani dhe refugjatë të cilët janë larguar nga vendet e tyre për shkak të luftërave apo konflikteve të brendshme.
Kjo është një situatë e papërballueshme për individët të cilët punojnë në fushat ligjore, shërbimet sociale, kontrollin e kufijve si edhe pozicione të tjera të vijës së parë. Ka shumë procedura për tu përmbyllur për emigrantët që vijnë dhe nuk ka kohë mjaftueshëm për t'i përmbyllur ato.
Si rezultat i kësaj mingarkese shumë probleme të cilat në kushte normale do të përfshiheshin tek emergjencat, kalojnë pa u venë re. Tek këto probleme përfshihen: problemet shëndetësore, probleme të sigurisë fizike, ruajtja e fëmijëve, trafikimi i qenieve njerëzore dhe aktivitete të tjera kriminale.
Në këtë kurs ne do të përqëndrohemi tek trafikimi i qenieve njerëzore në popullatat e emigrantëve dhe refugjatëve si edhe çfarë mund të bëjnë punonjësit e vijës së parë për të identifikuar dhe referuar sa më parë raste të mundshme të trafikimit si edhe për të parandaluar abuzimin.
Modulet
Ky kurs është ndarë në disa module të dizenjuara për tu mbyllur me një herë. Nëse ju nuk jeni prezantuar më parë më këtë temë, ne ju rekomandojmë që t'i përfundoni modulet me rradhë. Në të kundërt mund t'i lexoni ato sipas dëshirës dhe tu riktheheni sipas nevojës që ju ndjeni.
- Trafikimi i qenieve njerëzore dhe Migrimi
- Llojet e trafikimit dhe Çështje të lidhura me to
- Si mund të identifikohen viktimat e mundshme të trafikimit
- Si mund të bëhet referimi i këtyre viktimave
Bashkëfinancuar nga Fondi i Bashkimit Europuan për Azil, Migrimin dhe Integrimin.