Ky është dokument bazë për zhvillimin, menaxhimin dhe monitorimin e politikave arsimore, sepse, planifikimi duhet të jetë i bazuar në sisteme të besueshme të informimit, të cilat furnizojnë vendimmarrësit dhe përgjegjësit për menaxhimin e arsimit me të dhënat të nevojshme. Sistemi i informimit në arsim ndihmon në pasqyrimin e plotë të gjendjes së sistemit të arsimit: regjistrimit të nxënësve, kushteve të mësimit, infrastrukturës, mësimdhënësve, kostos, performancës së sistemit të arsimit, si dhe të lëvizjeve demografike, kushteve ekonomike dhe punësimit etj. Sistemi i informimit nuk mbështetet vetëm në aspektet sasiore, por gjithsesi duhet të përfshijë edhe aspekte të cilësisë të kushteve të punës së personelit, mundësitë e mësimdhënësve dhe prindërve dhe nxënësve.
Projekti “Korniza e Treguesve të Arsimit” ka për qëllim identifikimin dhe llogaritjen e treguesve të arsimit në Kosovë e që korrespodojnë me treguesit e përgjithshëm të arsimit për të gjithë-EFA, përkatësisht përgatitjen e një Kornize Standarde të Treguesve të Arsimit.