Publikimi “Voices from Syria" vjen si një përpjekje për të mbështetur zhvillimin dhe implementimin e programeve humanitare si një përgjigjje dhe përpjekje për të parandaluar dhunën me bazë gjinore në Siri.
Raporti ilustron një pamje në thellësi të jetës së një gruaje dhe vajze në Siri. Të dhënat në raport zbulojnë se dhuna me bazë gjinore, veçanërisht dhuna dhe ngacmimet seksuale, dhuna në familje, pengimi për të lëvizur e lirë dhe martesat e detyruara në moshë të re janë ndër shkeljet kryesore të drejtave të përjetuara nga gratë dhe vajzat siriane, veçanërisht nga vajzat në moshën e adoleshencës.
Gjetjet e raportit tregojnë dhe konfirmojnë pohimet e grave, vajzave, djemëve dhe burrave se dhuna me bazë gjinore shfaqet kudo, në shtëpia, shkolla apo universitete, në markete apo në rrugë. Për të përmendur janë edhe zhvillimet pozitive të nënvizuara në raport si rritja e vëmendjes dhe advokacisë sociale si kundërpërgjigjje ndaj fenomenit të “vrasjeve të nderit”, ekzistenca e shërbimeve të specializuara në disa zona, etj.
Për më tepër, ky raport ka prodhuar një set me rekomandime të cilat portretizojnë eksperiencat e grave, burrave, vajzave dhe djemëve, gjithashtu të ekspertëve dhe profesionistëve të tjerë të cilët kanë dhënë suportin e tyre ndaj të të mbijetuarëve të dhunës me bazë gjinore.
Informacioni dhe rekomandimet e shpalosura në këtë raport janë një burim i vlefshëm për ekspertët, profesionistët që punojnë në zonat humanitare dhe agjensitë e ndihmës për të kuptuar më mirë rrezikun e dhunës me bazë gjinore që vazhdon të mbizotërojë në jetën e grave dhe vajzave siriane.