Spitali i Fëmijëve C.S. Mott në Michigan, SHBA, përpiloi një sondazh mbi shqetësimet kryesore shëndetësore të fëmijëve. Prindërve amerikanë që kishin të paktën një fëmijë në moshën 0-18 vjeç me të cilët jetonin, ju kërkua të jepnin mendimin lidhur me problemet shëndetësore më shqetësuese për fëmijët e tyre. Të dhënat u ndanë në 3 grupe: informacionet e dhëna nga prindërit e bardhë, prindërit me ngjyrë dhe prindërit hispanikë.
10. COVID-19 (48%)
Ishte kryefjala e jetës sonë në vitin 2020 dhe ndoshta do të jetë kështu edhe për vitin 2021. Shkencëtarët dhe mjekët kanë deklaruar se fëmijët janë grupi më pak i prekshëm nga virusi, megjithatë, kjo përbën një shqetësim për prindërit, veçanërisht për prindërit me ngjyrë ( 73%) të cilët e renditën atë si problemin e dytë më shqetësues për fëmijët e tyre. Për hispanikët, Covid renditej në vend të tetë (64%), ndërsa për prindërit e bardhë Covid-19 nuk përfshihet në 10 problemet më shqetësuese.
9. Përdorimi i drogës (50%)
Drogat kanë qenë “mallkim” që kur u zbuluan dhe për fat të keq ende sot imponojnë shqetësim të madh në shoqëri.. Hispanikët e rendisin këtë problem në vendin e 5-të (67%) në listë, prindërit me ngjyrë e vlerësojnë të 8-in (62%), dhe njerëzit e bardhë të 10-in (41%).
8. Pirja e duhanit (52%)
Për prindërit me ngjyrë pirja e duhanit nuk përfshihet në listën e 10 problemeve me shqetësuese, megjithatë, për hispanikët ky është shqetësimi i katërt më i madh (67%) dhe për prindërit e bardhë, renditet i teti (46%).
7. Stresi / ankthi (54%)
Kjo çështje shëndetësore lidhet me sëmundje të tjera siç janë depresioni, ushqimi jo i shëndetshëm, ngacmimi, mungesa e aktivitetit fizik, etj. që do të përshkruhen më poshtë. Prindërit hispanikë e rendisin atë në vendin e të ndërsa prindërit e bardhë e rendisin të 4-tin.
6. Mungesa e aktivitetit fizik (54%)
Mungesa e aktivitetit fizik është rritur gjithnjë e më shumë në cdo individ për shkak të transformimit teknologjik, përmirësimit të transportit dhe së fundmi për shkak të karantinës. Kjo renditet nr. 5 nga prindërit e bardhë, ndërsa për kategoritë e tjera nuk është një nga dhjetë problemet kryesore.
5. Depresioni / vetëvrasja (54%)
Është renditur nga prindërit hispanikë dhe të bardhë nr. 7, ndërsa prindërit me ngjyrë nuk e përmendin.
4. Ushqimi jo i shëndetshëm (59%)
3. Siguria në internet (62%)
Është renditur nga prindërit hispanik dhe të bardhë nr. 3, ndërsa prindërit me ngjyrë e vlerësojnë se është shqetësimi i 5-të më i madh.
2. Ngacmimi / ngacmimi në internet (62%)
1. Përdorimi i tepërt i rrjeteve sociale / koha para ekranit (72%)
Ky është shqetësimi nr. 1 sa i takon shëndetit të fëmijëve për prindërit hispanikë dhe të bardhë. Përdorimi i tepërt i ekranit është një kërcënim për këdo. Qëndrimi për një kohë të gjatë para ekranit shkakton tharje të syve, dobëson shikimin, dhimbje koke, shtim në peshë, dhimbje kronike në qafë dhe shpinë, gjumë të keq dhe mungesë përqendrimi.
Megjithatë, shqetësimi nr. 1 për prindërit me ngjyrë ishte RACIZMI. Kjo është e kuptueshme pas protestave të "Black Lives Matter" që arritën kulmin në 6 qershor 2020, e cila sipas New York Times mund të jetë lëvizja më e madhe në historinë e SHBA.
Po ju si mendoni? Cili është shqetësimi më i madh shëndetësor për fëmijën tuaj këtë vit? Jeni të mirëpritur të ndani pikëpamjet tuaj duke komentuar më poshtë.