Lidhur me webinarin:
Manuali "Fuqizimi i familjes në kontekstin e pandemisë COVID – 19” është një përpjekje e organizatës Terre des Hommes në Shqipëri, në kuadrin e projektit “Zhvillimi i dokumenteve burimorë për profesionistët e mirëqenies sociale”, të financuar nga UNICEF.
Qëllimi i tij është që të shërbejë si një protokoll pune për përqasjen e fuqizimit të familjes në kontekstin e COVID – 19 për profesionistët e fushës së shërbimeve sociale. Së bashku me modelin e qendrave komunitare multifunksionale (QKM) dokumenti do të lehtësojë punonjësit e vijës së parë dhe administratorët e QKM – ve në arritjen e standardeve, dhe më konkretisht të standartit 2, 3, 5 dhe 6.
Manuali i vjen në ndihmë kryesisht profesionistëve të QKM – ve, OJF – ve që punojnë në këtë fushë si dhe çdo profesionisti/institucioni tjetër publik apo jo – publik që kanë role të lidhura me fuqizimin në familje.
Pas hartimit të tij, manuali kaloi në një proces rishikimi, testimi dhe validimi nga Drejtoria e Shërbimeve Sociale në Bashkinë Tiranë dhe Shkodër dhe në tre QKM, sugjerimet e të cilave janë integruar në dokument.
Si te bashkohesh me webinarin:
Përdorni butonin e mësipërm për t'u regjistruar në webinar. Disa orë para webinarit do të merrni një email me link të dhomës së webinarit dhe udhëzime se si të bashkoheni. Anëtarësimi në webinarët tanë është shumë i lehtë, nuk kërkon ndonjë aftësi të veçantë nga ju dhe zgjat vetëm një ose dy minuta. Ju mund të bashkoheni në webinar nga kompjuteri, tableti ose telefoni juaj celular.
Speakers:
Izela Tahsini - Izela Tahsini është Profesoreshë e Asociuar në Departamentin e Punës Sociale dhe Politikës Sociale, në Fakultetin e Shkencave Sociale, Universiteti i Tiranës dhe një praktikuese e psikoterapiste. Ajo ka qenë e përfshirë në çështjet e fëmijëve dhe shërbimet sociale për më shumë se 20 vjet, përmes kërkimit, zhvillimit të politikave, trajnimit dhe supervizimit.
Veronika Duci - Prof. Assoc. Veronika Duci është pedagoge pranë Fakultetit të Shkencave Sociale, në Departamentin e Punës dhe Politikës Sociale për 16 vitet e fundit. Ajo ka një eksperiencë afatgjatë në kërkim shkencor dhe në ngritjen e kapaciteteve në nivel kombëtar dhe ndërkombëtar për çështje që lidhen me fëmijët dhe me shërbimet sociale.
Nadire Kreka - Eshtë përgjegjëse e Sektorit për Mbrojtjen e Fëmijëve dhe Barazinë Gjinore në Departamentin e Shërbimeve Komunitare dhe Kujdesit Social në Bashkinë Elbasan. Ajo ka një eksperiencë prej më shumë se 15 vitesh në fushën e mbrojtjes se femijeve në Shqipëri.