Qytetari i parë i infektuar nga COVID 19 në Shqipëri u identifikua më 9 Mars 2020. Menjëherë pas kësaj qeveria vendosi një sërë masash për të zvogëluar përhapjen dhe për të rrafshuar kurbën e infeksionit. U kërkua nga të gjithë qytetarët që të qëndrojnë në shtëpi në izolim dhe kudo që të jetë e mundur të punojnë nga shtëpia.
Ashtu sikundër në cdo vend të globit, efektet e izolimit u ndjenë më ashpër në popullatën vulnerabel ku përpos të tjerave rritën rrezikun për një numër më të madh të abuzimeve, veçanërisht tek fëmijët dhe gratë. Në këto rrethana, puna e punonjësve të mbrojtjes nuk u ndal, por ndryshoi modalitet përmes ofrimit të asistencës duke respektuar njëkohësisht rregullat e izolimit dhe distancimit shoqëror.
Me qëllim gjëndjen pranë profesionistëve përmes ofrimit të njohurive dhe aftësive, Save the Children në Shqipëri dhe Terre des Hommes Shqipëri kanë organizuar një seri webinare mbi efektet dhe përgjigjen ndaj situatës së krijuar nga COVID 19.
Webinari i parë target kryesisht (por jo vetëm) Punonjësit e Mbrojtjes së Fëmijëve në Shqipëri, si dhe punonjësit e Njësisë për Vlerësimin e Nevojave dhe Referimin (NARU) pranë bashkive. Ai drejtohet nga dr. Anila Sulstarova e cila do ndihmojë pjesëmarrësit të kuptojnë dhe ofrojnë Ndihmën e Parë Psikosociale për grupet e popullsisë që mbulojnë. Krahas kësaj, webinar do të ofrojë disa teknika dhe orientim mbi mirëqenien e profesionistëve dhe si të mbrojnë shëndetin e tyre mendor në rrethana që prekin edhe ata dhe familjet e tyre.