Një valë e re e emigrantëve që kalojnë në Ballkan në kërkim të sigurisë në BE po sjell dëshmi të reja për dhunën dhe abuzimet që në veçanti i presin gratë dhe fëmijët përgjatë rrugës.
"Në kufirin ndërmjet Turqisë dhe Bullgarisë, një polic bullgar më kapi nga qafa dhe më hodhi në dysheme. Pastaj më goditi me një grumbull të madhe balte - këtu, "tha një grua nga Afganistani në moshë kah mesi i 30-tave, i tha BIRN-it, duke treguar për kofshën e saj të majtë.
Për shkak të dhunës që vuajti në kufirin bullgar, gruaja, e cila ishte në muajin e gjashtë të shtatëzënisë, humbi fëmijën e saj.
"Ky udhëtim më ka bërë të moshuar," i tha ajo BIRN-it me një psherëtimë të rëndë, duke folur në kushte anonimiteti.
Ajo tha se ajo iku nga Afganistani për shkak të dhunës së shfrenuar, vetëm për t'u përballur me probleme të barabarta përgjatë "rrugës ballkanike", e cila sipas saj ishte "shumë më e keqe se jeta e përditshme në Afganistan.