Samiti mbi Antigjipsizmin 2021 (Event Hibrid)

Rreth Samitit

Me 24 dhe 25 nëntor 2021, Terre des hommes delegacioni në Kosovë në bashkëpunim me organizatat partnere Voice of Roma, Ashkali and Egyptians dhe HEKS Foundation organizon Samitin e dytë vjetor mbi Antigjipsizmin. Slogani i Samitit të këtij viti është “Trasimi i rrugës për ndryshim”.

Në hapje të Samitit do të ketë fjalime mirëseardhje nga Kryeministri i Republikës së Kosovës z. Albin Kurti, Ambasadori i Zvicrës në Kosovë z. Thomas Kolly, Shefi i Divizionit Ndërkombëtar në HEKS z. Bernhard Kerschbaum, dhe nga Shefja e Evropës Jugore në fondacionin Terre des hommes znj. Kirsten Theuns, pasuar nga fjalimi kyq nga Shefi i Komuniteteve, Trashëgimisë Kulturore dhe Fetare në Zyrën e BE-së në Kosovë z. Stefano Gnocchi.

Samiti do të mbledhë së bashku akterët kryesor nacional dhe ndërkombëtarë për të diskutuar mënyrat më efektive dhe efikase të Antigjipsizmit dhe mënyrat e manifestimit të Antigjipsizmit që rezulton në diskriminim ndaj komuniteteve Romë, Ashkalinjë dhe Egjiptianë në Kosovë. Njohja e Antigjipsizmit dhe hartimi i politikave mbi Antigjipsizmin është mënyra më e mirë për të siguruar qasje më të mirë të komuniteteve në edukim, drejtësi, mbrojtje dhe të drejta të tjera themelore.

Gjatë Samitit gjithashtu do të bëhet edhe prezentimi i gjetjeve dhe rekomandimeve kryesore që kanë dalur nga “Hulumtimi Nacional mbi Antigjipsizmin në Kosovë” (i pari hulumtim i këtij lloji në Kosovë)! 

Për shkak të rrethanave pandemike me COVID-19, ngjarja organizohet në format hibrid, ku disa pjesëmarrës do të kenë mundësinë të marrin pjesë në ngjarje fizikisht, ndërsa pjesëmarrësit tjerë do të mund të ndjekin sesionet online përmes platformës ZOOM. Do të sigurohet përkthim simultan në gjuhën shqipe, gjuhën rome, gjuhën boshnjake dhe gjuhën angleze. 

Axhenda e plotë me informacione për folësit dhe oraret e seancave është bashkangjitur.

Si t'i bashkoheni Samitit

Për t'iu bashkuar Samitit ju lutemi regjistrohuni duke përdor butonin e mësipërm, ku nevojitet Emri, Mbiemri, një email adresë dhe fjalëkalimi. Disa orë përpara eventit, do të merrni një email me linkun për në dhomën tonë të konferencave Zoom dhe udhëzime se si të bashkoheni. Regjistrimi është shumë i lehtë, nuk kërkon ndonjë aftësi të veçantë nga ju dhe zgjat vetëm një ose dy minuta. 

Samiti mbi Antigjipsizmin organizohët në kuadër të projektit "Drejtësi Sociale për Romët, Ashkalinjët dhe Egjiptianët", mbështetur nga Agjencia Zvicërane për Zhvillim dhe Bashkëpunim.