Raporti vjetor i Fondacionit të Vëzhgimit të Internetit (IWF) tregon se vajzat e moshes 11-13 vjeç janë gjithnjë e më shumë të rrezikuara nga grabitqarët në internet. Një fushatë ndërgjegjësuese paralajmëron vajzat adoleshente dhe prindërit e tyre për rreziqet që u kanosen në internet nga grabitqarët seksualë, të cilët ngacmojnë dhe detyrojnë viktimat e tyre të filmojnë abuzimin e tyre seksual në pajisjet me lidhje interneti. Fëmija abuzon seksualisht mbi veten dhe i filmon veprimet e tij në dhomë ose në mjedise të tjera të shtëpisë se tij. Imazhet dhe videot e këtij abuzimi më pas shpërndahen në internet. Fushata e mbështetur nga Ministria e Brendshme e Mbretërisë së Bashkuar dhe Microsoft synon jo vetem te ndihmojë fëmijët por edhe të ndërgjegjësojë prindërit lidhur me veprimet që mund të ndermarrin për të mbrojtur fëmijët e tyre.
Ekspertët e IWF, të cilët punojnë ndërkombëtarisht për të gjetur dhe hequr materiale abuzimi seksual të fëmijëve nga interneti, pohojnë se materialet qe ata pikasin janë vetëm gjysma e asaj që gjendet në internet. Raporti vjetor i IWF zbuloi se në vitin 2020, IWF konfirmoi 68.000 raste të imazheve të krijuara nga vetë fëmijët dhe për gati gjysmën (44%) e tyre IWF mori masa.
Në lidhje me fushatën e re, Susie Hargreaves OBE, Drejtoreshë Ekzekutiv e IWF, tha: "Ne duam që vajzat të ndihen të fuqishme për të marrë kontrollin, të kuptojnë kërkesat e papërshtatshme qe u behen online dhe te dine t'i raportojne ato." ndersa Sekretari i Brendshëm Priti Patel u shpreh: “Kompanitë nuk duhet të presin legjislacionin që të marrin masa për të adresuar këto krime të neveritshme. Qeveria tashmë ka përcaktuar hapa jetikë që gjigandët e teknologjisë mund t'i ndërmarrin për të ndalur grabitqarët e sëmurë të veprojnë në platformat e tyre. "