Raport Studimor mbi nevojën e hartimit të një ligji të vecantë për mbrojtjen e viktimave të trafikimit në Shqipëri

Ky raport ka si qëllim të sjellë në vëmendje nevojën për të pasur një ligj të veçantë në Shqipëri me fokus në parandalimin e trafikimit të personave dhe mbrojtjen e viktimave/ viktimave të mundshme të trafikimit, duke u bazuar në një analizë të legjislacionit të brendshëm dhe praktikave ndërkombëtare në këtë fushë. Nevoja për hartimin e një ligji të veçantë për luftën kundër trafikimit të qenieve njerëzore është përmendur në raporte të ndryshme të Institucioneve dhe Organizatave Ndërkombëtare. Raporte të tjera ndërkombëtare që vlerësojnë hapat e ndërmarrë nga qeveria Shqiptare në fushën e luftës kundër trafikimit të personave dhe identifikimit të viktimave e mbrojtjes së tyre, si edhe raportet vjetore të Drejtorisë për Antitrafikun dhe Migracionin apo të organizatave që asistojnë viktimat e trafikimit në vend, identifikojnë ende nevojën për ti kushtuar një vëmendje të veçantë kësaj forme të shkeljes së të drejtave të njeriut.

Ky raport studimor u zhvillua nga Qendra “Të Ndryshëm& Të Barabartë” në kuadër të projektit “Drejtësia është
histori e vërtetë kur në plan të parë janë viktimat”,pjesë e skemës së granteve të projektit “Përfshirja e shoqërisë civile për një sistem drejtësie funksional dhetë barabartë për të gjithë në Shqipëri”, i financuar nga Bashkimi Evropian dhe i zbatuar nga Save the Children në partneritet me Qendrën e Shërbimeve dhe Praktikave Ligjore të Integruara.

Me poshtë do të gjeni studimin!