Ky studim mbështetet në shqyrtimin e 45 rasteve të viktimave të mundshme të trafikimit të fëmijëve - 31 vajza dhe 14 djem.
Të dhënat u mblodhën nga Punonjësit e Mbrojtjes së Fëmijës në bashkitë Tiranë, Shkodër, Korcë, Bulqizë, Durrës, Elbasan, Kukës, Kamëz, Krujë, Kavajë, Lezhë, gjatë periudhës 2016-2019.
Studimi rekomandon forcim më të madh të sistemit të mbrojtjes së fëmijës nëpërmjet shtimit të trajnimit për strukturat kryesore, përfshirë ato të zbatimit të ligjit, punonjësit e mbrojtjes së fëmijës dhe shkollat. Gjithashtu, duhen përmirësuar dhe bashkërenduar sistemet për mbledhjen dhe studimin e të dhënave, si edhe duhet një bashkërendim më i efektshëm midis strukturave për mbrojtjen e fëmijës, me qëllim sigurimin e ndjekjes në vazhdim të hetimeve dhe të një mbrojtjeje efikase të fëmijës, në përputhje me legjislacionin në fuqi dhe politikat përkatëse.
Së fundi, nevojitet të ofrohet më shumë përkujdesje e specializuar për fëmijët që janë traumatizuar si pasojë e trafikimit, përfshirë shërbimet e specializuara që të trajtojnë varësinë e krijuar te fëmijët.
Per me shume informacion lexoni studimin si me poshte!