Hapja e shkollave në natyrë mund të jetë një zgjidhje për arsimin në distancë shoqërore në Skoci.
Të mësuarit në natyrë tashmë ka qenë pjesë e kurrikulës Skoceze dhe ka dëshmuar se funksionon me efikasitet. Tani, gjithnjë e më shumë arsimtarë dhe politikëbërës e konsiderojnë atë një zgjidhje për rihapjen e shkollave. Maree Todd, ministri i fëmijëve, pretendon se qendrat e kujdesit për fëmijë në natyrë mund të zvogëlojnë rrezikun e infeksionit dhe transmetimit të COVID-19. Shumë çerdhe që funksiononin duke përdorur ambientet e jashtme gjatë pandemisë, janë një shembull i funksionimit të sistemit. Një menaxher raportoi që të luash në kopshte/hapësira të jashtme përfshin më pak mjete që preken nga fëmijët dhe më shumë hapësirë për zeje të pavarur të tyre.
Sidoqoftë, ndërsa mësimi në ajër të pastër mund të jetë më i shëndetshëm dhe më i sigurt, krijimi i materialeve arsimore në natyrë mund të shkaktojë disa vështirësi për arsimtarët. Prandaj, mësuesit duhet të marrin mbështetje dhe trainim për t'u përgatitur për këtë sfidë. Duke ndjekur të gjitha udhëzimet, eksperimentimi me shkollimin në natyrë dhe zbatimi gradual i tij në arsim do të sjellë përfitime.