Në kuadër të implementimit të projektit më të ri me titull ‘‘Deinstitucionalizimi - Mbështetje për reformat e sistemit të mirëqënies sociale të fëmijëve në Shqipëri’, u mbajt më 19 Maj, 2022, ceremonia zyrtare e fillimit të projektit. Ky event synoi të ndajë me përfaqësues të qeverisë dhe pushtetit lokal, përfaqësues të trupit diplomatik, organizata partnere, ekspertë, profesionistë të mbrojtjes sociale dhe partnerë strategjikë objektivat dhe shtyllat kryesore të projektit.
Në fjalën e rastit të mbajtur nga Drejtoresha Kombëtare e Zhvillimit të Programeve Znj. Adela Sefa Maçi, u theksua se ndërhyrja që SOS Fshatrat e Fëmijëve Shqipëri planifikon në vijim është në linjë me Planin Kombëtar të Deinstitucionalizimit dhe do të japë kontribut disa vjecar në proçesin e tranzicionit nga kujdesi rezidencial në shërbimet komunitare dhe drejt alternativës së kujdesit me bazë familjen në Tiranë, Vlorë, Shkodër.
Projekti do të kontribuojë në fuqizimin e cilësisë së kujdesit të shërbimit të kujdestarisë, fuqizimin e modelit të qendrës së mbështetjes së femijes dhe familjes, dizenjimin e konceptit nacional të kujdesit rinor duke përfshirë modelin e pregatitjes së të rinjve për të dalë nga kujdesi, ngritjen e metodologjisë për menaxhimin e rasteve për shërbimet komunitare, metodologjisë për aftësitë prindërore dhe rritje e kapaciteteve të profesionisteve lokale dhe prindërve me këto metodologji si dhe shërbime direkte për fëmijët dhe familjet. Gjithashtu eventi shërbeu për forcimin e mëtejshem të bashkëpunimit me Bashkitë e Tiranës, Korçës, Shkodrës dhe Vlorës në të cilat do të implementohen ndërhyrjet e planifikuara.
Ky projekt financohet nga Ministria Federale Gjermane për Zhvillim dhe Bashkëpunim Ekonomik- BMZ, Herman Gmeinner Deutch Fund dhe implementohet nga SOS Fshatrat e Fëmijëve Shqipëri.