Aktualisht ende nuk dihet se ne ç’masë kontribuojnë fëmijët për përhapjen e Covid 19. Sipas të dhënave globale të OBSH, 1-7% e rasteve të prekur me Covid 19 janë fëmijë, me shumë më pak vdekje krahasuar me grupmoshat e tjera. Qendra Europiane për Parandalimin e Sëmundjeve dhe Kontrollin raportoi se me 26 Korrik 2020 vetëm 4% e të prekurve ne BE dhe Angli ishin fëmijë.
Të dhënat lidhur me përfitimet apo demtimet e fëmijëve nga përdorimi i maskës për transmetimin e Covid 19 janë të limituara. Megjithatë disa studime vlerësojnë efektivitetin e përdorimit të maskës nga fëmijët për mbrojtjen nga viruset respiratore. Sipas një studimi të bërë në Japoni gjatë sezonit të gripit u vu re se përdorimi i maskës ishe më efektiv për fëmijët e moshës 9-12 vjeç sesa për ata të moshës 4-6 vjeç. Një tjetër studim tregon se fëmijët e moshës 5-11 vjeç ishin shumë herë më pak të mbrojtur nga maska krahasuar me të rriturit.
Këshillat konkrete mbi perdorimin e maskës nga fëmijet sipas OBSH
- Fëmijët e moshës 0-5 vjeç nuk duhet të veshin maskë për shkak të mungesës së autonomisë për ta përdorur atë në mënyrën e duhur;
- Fëmijët me probleme konjiktive ose vështirësi në frymëmarrje nuk duhet t’u kërkohët vënia e maskës;
- Fëmijët e moshës 6-11 vjeç duhet ta përdorin maskën, por me kujdes;
- Adoleshentët mbi moshën 12 vjeç duhet ta përdorin maskën njësoj si të rriturit;
- Fëmijëve me nevoja të vecanta duhet t’u ofrohen metoda alternative të përdorimit të maskës si psh. mburoja e fytyrës;
- Fëmijët që u përkasin grupeve vulnerabël ose të margjinalizuar duhet t’u ofrohen maskat falas.
Maskat për fëmijët duhet t’u përshtaten masave dhe formës së tyre të fytyrës dhe të jenë sa më argëtuese për ta, duke marre në konsideratë ngjyrat dhe dizenjot.