Me 10 dhjetor 2021, Qendra Ditore e Fëmijëve në Prishtinë, me aktivitete shënoi ditën e të drejtave të njeriut duke kontribuar në avancimin e të drejtave në përgjithësi, e të fëmijëve në veçanti si dhe duke promovuar qasjen e barazisë ndaj të drejtave të njeriut.
Aktivitete ndërgjegjësuese u organizuan me dy grupe përfituesish, njëri me nëna dhe vajza dhe tjetri me një grup fëmijësh (djem dhe vajza).
Gjatë takimeve u theksuan rreziqet dhe pasojat që sjellin martesat e hershme. Vajzat dhe nënat e tyre gjithashtu mësuan për shëndetin dhe sigurinë për të parandaluar martesat e hershme. Në sesionin tjetër grupi mësoi për rëndësinë e edukimi dhe përfshirjes së fëmijëve në shkollë si dhe përgjegjësinë e prindërve në këtë proces në edukim.
Ky aktivitet realizohet në kuadër të projektit "Mirëqenie më e mirë për fëmijët e cenueshëm dhe familjet e tyre në Kosovë", i përkrahur nga Save the Children Kosovo përmes fondeve nga Zyra e Bashkimit Evropian në Kosovë.
Qendra Ditore është krijuar dhe drejtohet nga Terre des hommes Kosovo. E hapur në vitin 2019, vazhdon të jetë një vend i sigurt për fëmijët në situatë rruge, i pari i këtij lloji në Kosovë.
Për më shumë informacione rreth aktiviteteve që zhvillon Qendra: (11) Qendra Ditore e Fëmijëve | Facebook