Tani që shkollat janë mbyllur për shkak të kërcënimit të koronavirusit, klasat për shumicën e fëmijëve, mbahen në internet. Ky është një nga përfitimet më të mëdha që ofron Interneti: informacion dhe njohuri për të gjithë, kudo që të jenë. Sidoqoftë, prania e rritur e fëmijëve në internet do të thotë që ata janë më të ekspozuar ndaj rreziqeve të mundshme të tij.Shumë prindër tani janë duke punuar nga shtëpia dhe duhet t'i përkushtohen punës së tyre. Interneti mund të duket si mënyra më e lehtë për të argëtuar fëmijët gjatë punës. Megjithatë, ashtu si asnjë prind nuk do ta lejonte fëmijën e tyre të luante në mes të një rruge të rrezikshme, prindërit nuk duhet t'i lënë ata vetëm në Internet.
Këshilla praktike për prindërit
Bini dakord për një orar të përdorimit të internetit për të mësuar dhe për tu argëtuar me fëmijën tuaj. Sigurohuni që të përfshini llojet e tjera të aktiviteteve, përfshirë aktivitetin fizik në orarin e tyre. Nëse punoni nga shtëpia, sigurohuni që fëmija juaj të bëj pushim dhe mbani shënime se çfarë po bëjnë.
Shenjat e hershme të efekteve të abuzimit të fëmijëve në internet:
• fsheh ekranin, telefonin, tabletin kur një prind ose një person tjetër hyn në dhomë
• nxiton të hapi një faqe tjetër në internet kur ai ose ajo ndjen praninë e një personi tjetër
• vepron me nervozizëm kur përdorni një kompjuter, laptop, tablet apo telefon
• është nervoz kur merr një mesazh në telefon ose kompjuter
• harxhon shumë kohë në internet në kompjuterin ose telefonin e tij/saj
• shmang miqtë, shmang daljet jashtë
• krijon profile të reja në rrjetet sociale
• merr telefonata nga të huajt
• Performanca më e dobët e shkollës, më pak interes për shkollën dhe mësimin
Çfarë t’i tregoni fëmijës tuaj për mbrojtjen në internet?
• Asnjëherë mos i jepni të panjohurve emrin dhe informacionin tuaj të vërtetë
• Shkruani për veten tuaj vetëm në përgjithësi, pa detaje
• Bllokoni të panjohurit në rrjetet sociale
• Nëse ata marrin kërcënime ose rrezikohen ndryshe, duhet ta raportojnë atë menjëherë
Kujt duhet ti tregojnë për çdo lloj dhunë që hasin në internet?
• Prindërve
• Mësuesit, psikologut ose edukatorëve (ose të rriturve të tjerë që u besojnë)
• Linjave të këshillimit dhe ndihmës për fëmijë
Save the Children ka punuar për të rritur ndërgjegjësimin midis prindërve gjatë viteve të fundit në lidhje me rreziqet me të cilat përballesh në internet. Shumë prindër u çuditën nga këto informacione.
Për të lexuar më shumë rreth përvojave të tyre, shihni
https://nwb.savethechildren.net/news/parenting-time-corona-children-must...