Në kuadër të projektit "Forcimi i Sistemit të Mbrojtjes për Fëmijët në Konflikt me Ligjin", financuar nga Ministria e Punëve të Jashtme e Holandës në kuadër të programit MATRA, Defence for Children - ECPAT Holandë dhe Terre des Hommes Kosovë si dhe Terre des Hommes Shqipëri kanë bashkuar forcat për të krijuar shkëmbime bilaterale midis ekspertëve dhe përfaqësuesve nga institucionet qeveritare dhe mbështetjen e zhvillimeve në Kosovë dhe Shqipëri, duke synuar forcimin e sistemit të mbrojtjes së fëmijëve që janë në konflikt me ligjin.
Gjatë kësaj vizite studimore, ekspertë për mbrojtjen e fëmijëve nga Kosova dhe Shqipëria si dhe akterë të institucioneve qeveritare morën pjesë në vizita në terren, në punëtori dhe takime diskutimi me ekspertë holandezë. Qëllimi i kësaj vizite studimore ishte të mësojmë rreth aspekteve të sistemit holandez të mbrojtjes së fëmijëve dhe të drejtësisë dhe të eksplorojmë mënyrat për të forcuar të drejtat e fëmijëve në konflikt me ligjin brenda sistemit të mbrojtjes së fëmijëve dhe sistemit të drejtësisë në Kosovë dhe Shqipëri.
Pjesëmarrësit nga Kosova në koordinim me Ministrinë e Drejtësisë dhe në bashkëpunim me grupin punues të themeluar nga kjo ministri, do të punojnë në hartimin dhe finalizimin e një akti nënligjor mbi "Masat e Ndihmës dhe të Mbrojtjes për Fëmiun si Kryes i Veprës Penale nën Moshën e Përgjegjësisë Penale". Pjesëmarrësit nga Shqipëria do të punojnë në hartimin e një protokolli pune mbi "Mbrojtjen e të Drejtave të Fëmijëve të Miturit në konflikt me ligj”.