Koalicioni i OJQ-ve për Mbrojtjen e Fëmijëve – KOMF përmes një konference ka publikuar “Politikën rekomanduese për zhvillimin në fëmijërinë e hershme”.
Qëllimi i publikimit të kësaj politike është përshkrimi i situatës lidhur me zhvillimin në fëmijërinë e hershme dhe ofrimi i rekomandimeve për ndërhyrje në disa prej fushave prioritare duke iu drejtuar kështu MASHT, MSH si dhe ministrisë përkatëse për mirëqenie sociale.
Si një aspekt i rëndësishëm që është trajtuar është gjithëpërfshirja e fëmijëve në edukimin parashkollor pasiqë vetëm 4.8% e fëmijëve në Kosovë janë të përfshirë në edukimin parashkollor. Ky nivel i edukimit mbetet pika ma e dobët e sistemit arsimor në Kosovë.
Një gamë e gjerë rekomandimesh janë përfshirë në këtë politike të cilat ofrojnë sugjerime konkrete në fushat ku janë identifikuar mangësi në arritjen e qëllimeve, të tilla si:
- Fuqizimi i mekanizmave për mbrojtjen e fëmijëve në fëmijëri të hershme.
- Hartimi i politikave për mbrojtjen e fëmijëve brenda institucioneve.
- Forcimi i sistemit të shpejtë të reagimit dhe referimit të rasteve.
- Hartimi i kurrikulës për moshën parashkollore.
- Diskutimi i idesë mbi hartimin e një strategjie nacionale për ndërhyrje në fëmijëri të hershme.