Koalicioni i OJQ-ve për Mbrojtjen e Fëmijëve në Kosovë (KOMF) ka mbajtur një konferencë kombëtare për të publikuar raportin mbi ndikimin e procesit të decentralizimit në shërbimet sociale në Kosovë.
Qëllimi i këtij raporti ishte të vlerësonte efektin e decentralizimit dhe ndikimin e këtij procesi në cilësinë e ofrimit të shërbimeve sociale.
Gjatë kësaj konference, gjetjet dhe rekomandimet e raportit të publikuar u prezantuan dhe u diskutua me pjesëmarrësit për gjendjen e decentralizimit të shërbimeve sociale në Kosovë, sfidat dhe alternativat për përfundimin e suksesshëm të këtij procesi.
Sipas Donjeta Kelmendi, Drejtore Ekzekutive e KOMF, procesi i decentralizimit nuk ka përmirësuar asnjë prej shërbimeve sociale dhe familjare.
Publikimi i këtij raporti shërben si pikë fillestare për monitorimin vjetor të zbatimit të procesit të decentralizimit të shërbimeve sociale, me qëllim të rritjes së përgjegjësisë së institucioneve publike në nivelin qendror dhe komunal për decentralizimin e procesit të shërbimeve sociale. Raporti i parë i monitorimit do të publikohet në javët e ardhshme.