FIFA së bashku me 170 ekipe në të gjithë botën i janë bashkuar nismës e cila synon të gjejë fëmijë dhe të rinj të zhdukur. Si sporti më i njohur në botë, FIFA dhe komuniteti i futbollit synon të përdorin kanalet e mediave sociale për të shpërndarë video të fëmijëve të zhdukur.
Iniciativa "Football cares" u nis nga Qendra Ndërkombëtare e Fëmijëve të Humbur dhe Shfrytëzuar (ICMEC), e cila për më shumë se 20 vjet është angazhuar për mbrojtjen e fëmijëve nga rrëmbimi dhe shfrytëzimi.
Kryeshefi Ekzekutiv në ICMEC vlerësoi mbështetjen e FIFA-s duke shpresuar se shtrirja e madhe globale që ka komuniteti i futbollit, do të rezultojë me gjetjen dhe ribashkimin e fëmijëve të zhdukur me familjet e tyre.