Në kuadër të Ditës Europiane dhe asaj Ndërkombëtare për Parandalimin e Abuzimit të Fëmijëve, BARNAHUS Shqipëri dhe Lëvizja Kombëtare Kundër Dhunës dhe Shfrytëzimit Seksual të Fëmijëve #NEJEMI1, në bashkëpunim dhe me mbështetjen e CRCA/ECPAT Shqipëri, organizojnë në datën 19 Nëntor 2020, ora 11:00, Marshimin Kundër Dhunës Seksuale ndaj Fëmijëve dhe Adoleshentëve në Shqipëri.
Marshimi ka si qëllim të ndërgjegjësojë shoqërinë, qeverinë, institucionet mbi dhunën seksuale ndaj fëmijëve dhe të rinjve dhe njëkohësisht të nxisë reagimin publik kundër këtij fenomeni, duke përforcuar mesazhin se dhuna seksuale ndaj fëmijëve dhe të adoleshentëve është e papranueshme dhe është një shkelje e rëndë e të drejtave të njeriut!
Marshimi do të fillojë nga Sheshi Nënë Tereza – drejt Sheshit Skënderbej, ku do të shpërndahen FJONGO BLU si simbol i luftës kundër dhunës seksuale ndaj fëmijëve dhe të rinjve në Shqipëri, si dhe do të jepen mesazhe në mbështetje të viktimave. Marshimi do të kthehet në një event të përvitshëm në luftën e përbashkët për eleminimin e dhunës seksuale ndaj fëmijëve dhe adoleshentëve në Shqipëri.
- 50 views