Më 29 tetor, Këshilli Shqiptar i Medias, përmes një deklarate, shprehu shqetësimin në lidhje me mënyrën joetike sesi po trajtohet rasti i fëmijëve të kthyer në Shqipëri nga kampi Al-Hol / Siri. në mediat e vendit. Këto lajme kanë publikuar informacione me emrat dhe fotot e fëmijëve, të cilat tregonin pamje të dukshme shqetësuese të kushteve të tyre të rënduara.
Këto publikime përbëjnë shkelje serioze të Kodit të Etikës pasi në asnjë rast nuk duhet të nxirren informacione personale të fëmijëve, aq më pak fotot apo emrat. Deklarata argumenton se: "Këto publikime do të qëndrojnë online për vite me radhë, duke ekspozuar vazhdimisht fëmijët në të ardhmen, edhe kur ata të arrijnë moshën e rritur. Fëmijët nuk kanë zgjedhur ta bëjnë publik këtë moment tragjik të tyre; të tjerët po i ekspozojnë ata"
Këshilli Shqiptar i Medias i nxit mediat të mbajnë një standard etik dhe profesional dhe ju kërkon atyre të heqin fotot dhe emrat e këtyre fëmijëve nga publikimet aktuale. Gazetarëve u kërkohet të jenë profesionistë dhe të mos publikojnë raste të kësaj natyre.
Deklara mbyllet me thirrjen :"Këshilli Shqiptar i Medias i kërkon autoriteteve qeveritare që raste të tilla të mos përsëriten, të tregohen më korrekte në mbrojtjen e fëmijëve dhe mos e dekonspirojnë identitetin e tyre në asnjë rrethanë përveçse kur është e nevojshme për të mbrojtur jetën e tyre."