Teknika të avancuara të këshillimit psikologjik me grupet e targetuara: viktima te trafikimit, abuzimit seksual dhe dhunës në familje

Terre des hommes (Tdh) misioni në Shqipëri do të organizojë një trajnim online në kuadër të projektit " Përmirësimi I ofrimit të shërbimeve dhe ndërgjegjësimit për të luftuar Trafikimin e Njerëzve në Ballkan, Shqipëri, Maqedoni, Mal te ZI, Kosovë”, financuar nga Departamenti i Shtetit të SHBA pvrmes programit të J/TiP.  

Tema e trajnimit do të jetë: “Teknika keshillimi psikologjik të avancuara me grupet e targetuara: viktima të trafikimit, abuzimit seksual, dhunës në familje” dhe do të mbuloje keto tema:

• Pasojat psikologjike të trafikimit, abuzimit seksual, dhe dhunës në familje.
• Trauma dhe post-trauma,
• Këshillimi Psikologjik i Avancuar dhe qasjet terapeutike,
• Aftesitë e këshilluesit,
• Fazat dhe teknikat e Këshillimit të Avancuar

Audienca e synuar në këtë trajnim janë psikologët dhe punonjësit socialë të cilët punojnë me viktima të trafikimit dhe dhunës në streheza dhe OJF.

Lektore: Irena Kraja

Irena Kraja është psikologe dhe drejtuese e Programit të Anti-trafikimit dhe koordinatore e Qendrës së Këshillimit dhe Shërbimeve ASC Tiranë. Gjatë punës së saj ajo ka ofruar këshillim psikologjik dhe psikoterapi për gratë dhe vajzat, viktima të dhunës në familje dhe të trafikimit dhe shftryëzimit të qënieve njerëzore, si pjesë e qasjes holistike për ofrimin e shërbimeve. Praktika e saj përfshin seanca keshillimi dhe terapie me të rritur dhe adoleshentë. Kryesisht asiston klientët që përballen me trauma dhe post-trauma, depresion, ankth, si dhe stres. 

Si të lidheni me webinarin:

Përdorni butonin e mësipërm për t'u regjistruar në webinar. Disa orë përpara webinarit, do të merrni një email me lidhjen dhe udhëzimet se si të bashkoheni. Anëtarësimi në webinarët tanë është shumë i lehtë, nuk kërkon ndonjë aftësi të veçantë nga ju dhe zgjat vetëm një ose dy minuta. Ju mund të bashkoheni në webinar nga kompjuteri, tableti ose telefoni juaj celular.