Ky vlerësim është prodhuar në kuadër të projektit "Mbështetje emergjente dhe rimëkëmbje për fëmijët dhe familjet e prekura nga situata pandemike COVID-19 në Shqipëri" financuar nga Bashkimi Evropian dhe zbatuar nga Misioni Terre des hommes në Shqipëri.
Vlerësimi i procesit të Menaxhimit të Rastit dhe mekanizmat lokalë të referimit me një fokus të veçantë në shëndetësi dhe masat e mbrojtjes në situatën e pandemisë Covid-19, bazohet në kontekstin ekzistues të reagimit të sistemit të mbrojtjes së fëmijëve të tilla, si: shërbimet sociale, shëndetësore, arsimore në disa bashki, si: Durrës, Fier, Korçë, Lezhë, Shkodër dhe Tiranë, të përfshira në kuadrin e projektit "Mbështetje emergjente dhe shërbim për fëmijët e prekshëm dhe familjet e prekura nga Covid-19, situata pandemike në Shqipëri”, financuar nga Bashkimi Europian, implementuar nga Terres des hommes.
Vlerësimi rekomandon modelimin e një mekanizmi efektiv referimi lokal midis shërbimeve shëndetësore dhe të mbrojtjes sociale, duke theksuar komponentët kryesorë që duhet të përshtaten për të siguruar mekanizëm efektiv për mbrojtjen e fëmijëve në rrezik gjatë pandemisë COVID-19 dhe situatave të tjera emergjente.